Бул тууралуу стационарды башкаруучу Жазгүл Жолдошова маалымдады.
Анын айтымында, мекеме 2026-жылдын 26-январынан тарта ишин баштады.
«Биз шаардык төрөт үйү менен биргеликте иштегендиктен, кайрылуулар көбөйүп, кыйынчылыктар жаралды. Министрликтин уруксаты менен 26-январдан тарта областтык төрөт стационары иштей баштады. 2-февралда расмий ачылыш өтөт, андан кийин толук режимде иштей баштайбыз. 2025-жылы Ош облусунда төрөт учурунда 8 аял каза болду. Эне өлүмүнүн себептери көп. Алардын арасында көп учурда анемия, хроникалык оорулар, боор, жүрөк жана өпкө оорулары кездешет. Мындан тышкары, ички жана тышкы миграция, ошондой эле төрөттөрдүн ортосундагы интервалды сактабоо да таасир этет. Кээ бир ата-энелер, абалды түшүнбөй, врачтарга доо арыздарын беришет. Биринчиден, келечектеги эне өзүнүн ден соолугуна жана баласына кам көрүшү керек. 2025-жылы Кыргызстан боюнча эне өлүмү көбүнчө кан жоготуу себептүү катталган», - деди Ж.Жолдошова.
Өткөн жылдын июнь айында маалымдалгандай, Ош облустук төрөт стационары беш айга капитальный ремонт үчүн жабылган.
