Кыргызстанда мектептерде жайгашкан стоматологиялык кабинеттер тармагын түзүү пландалууда. Бул тууралуу Саламаттыкты сактоо министрлигинин башкы штаттан тышкаркы стоматологу Гулмайрам Ибраимова билдирди.
Анын маалыматына ылайык, 2025-жылдын февраль айында Саламаттыкты сактоо министрлиги менен Билим берүү министрлиги ортосунда балдардын стоматологиялык ооруларынын алдын алуу боюнча биргелешип иш-чараларды өткөрүү максатында ведомстволор аралык келишимге кол коюлган.
Бул программа балдар бакчаларын жана мектептерди камтыйт, балдар үчүн профилактикалык стоматологиялык жардамды өнүктүрүүгө басым жасалат.
Ибраимованын айтымында, кабинеттер профилактикага көңүл буруп, балдарды, алардын ата-энелерин жана мугалимдерди ооз гигиенасынын негиздерине, туура тамактанууга жана ден-соолукка туура жашоо образына үйрөтөт. Мындан тышкары, мындай кабинеттер белгиленген график боюнча жакынкы билим берүү мекемелерин тейлейт.
Ал ошондой эле, балдарда ден-соолукка туура тамактануу адаттарын калыптандыруу стоматологдордун гана эмес, ата-энелердин да милдети экенин белгиледи.
Мамлекеттик адис стоматологиялык оорулардын эффективдүү алдын алуу үчүн стоматологдор, билим берүү системасы жана ата-энелердин биргелешип иштөөсүнүн маанилүүлүгүн баса белгиледи.
Ошондой эле, Билим берүү министрлигинин колдоосу менен клиникалык ординаторлор жана аспиранттардын катышуусунда чыгуу профилактикалык текшерүүлөрдү өткөрүү мүмкүнчүлүгү каралууда.
