Борбордун башкы дарыгери милдетин аткаруучу Роза Абильдаева жаңы жабдыктар бир нече бөлүмдөргө бөлүштүрүлгөнүн белгиледи: хирургиялык, аялдар консультациясы, операциялык блок, УМО бөлүмү жана төрөт бөлүмү.
«Биздин ооруканабыз үчүн эң маанилүү окуя лапароскопиялык аппараттын келип кириши болду. Лапароскопиялык ыкманы колдонуу минималдуу кесүүлөр менен операцияларды жүргүзүүгө мүмкүндүк берет, бул болсо бейтаптардын тезирээк калыбына келүүсүнө жана хирургиялык процедуралардын коопсуздугун жогорулатууга алып келет», — деди ал.
Мындан тышкары, жабдыктарды жаңылоо алкагында борборго караштуу беш үй-бүлөлүк дарыгерлер тобунун медсестралары жана фельдшерлери электрондук чемодандарды алышты. Бул комплекттер алыста жайгашкан райондордун тургундарына медициналык кызматтарды тез жана сапаттуу көрсөтүүгө жардам берет», — деп кошумчалады Роза Абильдаева.
А. Жакишов атындагы жалпы дарыгердик практика борбору 1988-жылы эксплуатацияга берилген жана 70 орунга ылайыкташтырылган. Анын курамында алты бөлүм бар, ал эми медициналык персонал 27 миңден ашык жергиликтүү тургундарды тейлейт.
