Бүгүн, 26-февралда, Бишкекте Улуттук энелик жана балалыкты коргоо борборунда (УЭБКБ) бекер негизде бөйрөк трансплантациялоо боюнча кезектеги операция өткөрүлдү.
Учурда күтүп жаткан тизмеде 5-стадиядагы хроникалык бөйрөк оорусунан жабыркаган 200гө жакын бейтап бар.
Саламаттык сактоо министрлигинин маалыматына ылайык, трансплантация 1981-жылы төрөлгөн бейтапка жасалган, ал 2018-жылдан бери хроникалык гемодиализден өтүп келген. Анын донору 1978-жылы төрөлгөн тууганы болуп саналат. Эки бейтаптын абалы туруктуу жана медициналык адистердин көзөмөлүндө.
УЭБКБда бөйрөк трансплантациясы 2018-жылдан бери жүргүзүлүп келет. Бул программа башталгандан бери 81 операция жүргүзүлдү, анын 38и бюджеттик каражаттардын эсебинен жасалган.
Медициналык борбордо иммунологиялык тестирлөө методологиясы, анын ичинде HLA системасы боюнча гистосоциалдык шайкештикти аныктоо, кросс-тестирлөө (Crossmatch) жана PRA көрсөткүчүн эсептөө ишке ашырылган, бул операциялардын коопсуздугун жогорулатууга жана узак мөөнөттүү дарылоонун натыйжаларын жакшыртууга жардам берет.
УЭБКБнын адистери жаңы бейтаптарды консультация алуу жана келечектеги мүмкүн болгон трансплантацияларга даярдык көрүү үчүн кабыл алууга даяр.
Консультацияга жазылуу үчүн УЭБКБнын дарыгерлерине кайрылсаңыз болот: Эсембаев Болот Исмаилович — 0778 670 006; Байзаков Мирбек Турсунбекович — 0550 227 701.
