Кыргызстанда мамлекеттик каржылоонун жардамы менен бөйрөк жетишсиздиги бар бейтаптарды дарылоо жүргүзүлүүдө. Бул тууралуу Жогорку Кеңештин жыйынында саламаттык сактоо министри Дамир Осмонов билдирди.
Ал тиешелүү чечим 2021-жылы президент жана парламент тарабынан демилгеленип кабыл алынганын тактады.
«2025-жылы гемодиализ үчүн бюджеттен 3,5 миллиард сом каралган. Президенттин тапшырмасы боюнча, өлкөдө органдарды трансплантациялоо программалары активдүү өнүгүүдө. Операциялар Кыргыз-түрк ооруканасында жана Ош мамлекеттик университетинде жүргүзүлөт. Бүгүнкү күндө Кыргызстанда 82 бөйрөк трансплантациялоо операциясы өткөрүлдү, анын 40ы мамлекеттик каржылоонун эсебинен акысыз жасалган. Атап айтканда, 2024-жылы 21 операция, 2025-жылы – 16, ал эми учурда 2026-жылы – 3 трансплантация өткөрүлдү», - деп кошумчалады министр.
