“Друзья Оушена” фильмдериндеги ролунан белгилүү Клуни, көпчүлүк адамдар чыныгы окуяларды анын фильмдеринин сюжеттери менен салыштырып жатканын белгиледи. “Кызык, бул жигиттерди кармашабы? Алар жазадан кутулуп кетишти окшойт”, - деди ал Variety басылмасына берген интервьюсунда.
Актер уурдоону “крутой” деп мүнөздөп, бирок дароо тактады: “Чынында бул ужас. Бирок эгер сиз мендей профессионал ууру болсоңуз, анда мен бул жигиттер менен чындап сыймыктанам”.
Прокуратуранын маалыматына ылайык, кылмыш тууралуу маалымат жекшемби күнү белгилүү болгон. Полиция уурдоо төрт мүнөттө болгонун, ага төрт адам катышканын, алардын экөө музейге киргенин билдирди. Уурдалган буюмдардын арасында француз королева жана императрицаларга таандык тогуз зергер буюм бар, алардын бири Луврга кайтарылып алынган.
Уурулар кылмыш болгон жерден скутерлер менен качып кетишкен, окуядан жабыркагандар жок.
