Биринчи окууда Франциянын Улуттук жыйыны 15 жашка толо элек өспүрүмдөрдүн социалдык тармактарды колдонушун тыюу салган мыйзам долбоорун колдоду. Бул тууралуу Figaro гезити маалымдады.
Бул мыйзам долбоору депутаттар арасында чоң колдоо тапты: ага 116 депутат добуш берсе, 23 парламентарий каршы болду.
«Жаңылануу» партиясынын мүчөсү тарабынан сунушталган демилге, балдардын психикалык ден соолугун коргоо жана социалдык медиага болгон терс таасирлерди азайтууга багытталган. Жаш курак боюнча чектөөлөрдөн тышкары, мыйзам долбоору мектептин жогорку класстарында мобилдик телефонду колдонууга тыюу салууну да камтыйт.
Франциянын президенти Эммануэль Макрон бул демилгени колдоп, анын адистердин сунуштарына жана коомчулуктун күтүүлөрүнө жооп берерин белгиледи. Кийинки этап - документти Сенатта карап чыгуу, жана эгер ал колдосо, мыйзам 2026-жылдын 1-сентябрынан тарта күчүнө кириши мүмкүн.
