Текшерүү көрсөткөндөй, кылмыштуу иш-аракеттерге ЖКДнын мурдагы директору А.Т.Ж., Бишкектин Первомай районунун ЦОНунун башкы адиси П.А.Т., Октябрь районунун ЦОНунун жетекчи адиси А.М.М., «Кыргыз почтасы» ААКсынын кызматкери Т.А.Ш. жана делдал М.А.К. катышкан. Алар мамлекеттик кызматтарды алуу үчүн кайрылган жарандардан мыйзамсыз акча алуу схемасын түзүшкөн.
Түзүлгөн схема боюнча, делдалдар кардарларды тартуу үчүн документтерди тездетип даярдоону сунуштап, кезекте күтпөй кызматтарды алуу гарантиясын беришкен. Өз кызматтары үчүн алар $100дөн $10 миңге чейин акча алышкан, көрсөтүлгөн кызматтын татаалдыгына жараша, андан кийин алган акчаны ортосунда бөлүшүшкөн.
Учурда бардык шектүүлөр кармалып, УКМКнын убактылуу кармоо жайында турушат.
