Ведомствонун маалыматы боюнча, З.С.Н. аттуу «Корзинка 312» компаниясынын негиздөөчүсү бир нече жыл бою чет өлкөдөн мөөнөтү өткөн товарларды жана арзандатылган азыктарды алып келген. Андан кийин ал аларды кайра ороо менен «Европадан келген эксклюзивдүү деликатес» катары көрсөтүп саткан. Бул товарлар кийин ири базарлар, ресторандар жана кафелер аркылуу акыркы керектөөчүлөргө жеткен.
Бишкектеги складдарда жүргүзүлгөн тинтүү учурунда мөөнөтү өткөн азыктардан тышкары, мөөнөттөрдү алмаштыруучу лаборатория жана алдын ала даярдалган жасалма этикеткалар табылды.
Арнайы кызматтар 27-ноябрда алынган бардык продукция экологиялык нормаларды эске алуу менен жок кылынганын билдиришти.
УКМК жана Табигый ресурстар министрлиги ишкерлерди көлөкө схемалардан баш тартууга жана текшерилген, сапаттуу товарларды сатууга көңүл бурууга чакырышты.
