Эльнура, Данилдин атасы менен ажырашканын, азыр Россияда иштеп жатканын билдирди. Ошондуктан уулун тарбиялоонун бардык милдеттери анын мойнуна түшкөн.
"Мен уулумду үйдө калтыра албайт элем, ошондуктан ал мектептен кийин мага жумушка көп келип жүрдү. Ал кээде дүкөнгө да барып турчу. Данил ар дайым Горький жана Айдаралиев көчөлөрүнүн кесилишиндеги жөө адамдар өтүүчү жерден гана өтчү, жол кыймылынын бардык эрежелерин билип," - деди ал.Ал 7-октябрда Данил дүкөнгө кеткенин, бирок андан кийин жаман кабар менен адамдардын келип, уулун унаа сүзүп кеткенин айтты.
"Дарыгерлер бизди №3 балдар ооруканасына алып барышты, бирок бир нече сааттан кийин анын өлгөнү тууралуу кабар беришти. Мен толук шок абалында болдум. Эртең менен мен трагедия тууралуу мурдагы күйөөмө билдирдим, ал дароо Бишкекке учуп келди. 8-октябрда Данилди жерге бердик. Ошол эле күнү бизге жол кырсыгынын жообкерлери келип, уулумдун өзү күнөөлүү экенин, жолго чыгып кеткенин, айдоочу реакция кылууга үлгүрбөгөнүн айтып, ишендирүүгө аракет кылышты. Менин мурдагы күйөөм, аларга ишенип, каршы арыз жазды, бирок тергөөчү бизге далилдерди көрсөтүп, биз ал арыздан баш тарттык," - деп кошумчалады Юлдашева.
Ал жол кырсыгына күнөөлүү Ж. Э., 1984-жылы туулган, камакка алынганын жана 7-декабрга чейин Бишкектин СИЗО-1инде болгонун, анын унаасы айып пул токтото турган жайга коюлганын белгиледи.
"Бирок жакында мен анын айып пул токтото турган жайда турган унаасы башка адамга өткөрүлүп берилгенин билдим. Ал мурда айыпталуучунун жубайына таандык болчу. Биз ошондой эле унаанын токтото турган жайдан чыгарылганын билдик. Тергөөчү бул анын чечими экенин, анткени шектүү камакта экенин, менин тынчсыздануумдун кереги жок экенин айтты," - деди ал.
Азыр Эльнура жол кырсыгынын жообкеринин камактан бошотулушунан коркууда. Ал, анын жоопкерчиликтен кутулушуна жардам бере турган байланыштары бар деп ойлойт.
"Мен жөн гана адилеттүүлүктү жана уулумду сүзүп кеткен адамга жазаны каалайм. Ал менин баарым болду, мен анын үчүн жашадым. Ошол күндөн бери мен иштебейм жана ооруканада убактымды өткөрөм. Мага абдан оор. Ал эми жообкердин жубайы жана туугандары келип, мага коркутуп, канча акча төлөшүм керектигин сурап, менин унчукпашым үчүн каршы арыз жазуумду талап кылышат. Мен Кыргызстан бийлигинен адилеттүүлүктү суранам," - деп жыйынтыктады ал.
