УПСМдин маалымат кызматынын билдирүүсүнө ылайык, айдоочуда айдоочулук күбөлүк жок экендиги аныкталган. Ал ошондой эле бир компания үчүн товарларды ташып жатканын билдирген. Кийинчерээк рулда жашы жете элек бала турганы белгилүү болду.
Ведомствонун маалыматына ылайык, бул окуя мыйзамдын оор бузулушу болуп саналат жана жолдордо коопсуздукка коркунуч туудурат. Ошондуктан протокол түзүлүп, жүк ташуучу унаа айып пул токтотуучу жайга жөнөтүлгөн.
УПСМ ата-энелерди жана ишканалардын жетекчилерин жашы жете элек балдардын керектүү документтерсиз транспорт каражаттарын башкаруусуна жол бербөөгө, мыйзамдын талаптарын сактоого чакырат.
