Окуя жол кыймылынын эрежелерин бузууну аныктоого багытталган рейд учурунда болуп, Chevrolet унаасы текшерүү үчүн токтотулган.
Текшерүү учурунда айдоочу кызматкерлердин мыйзамдуу талабын аткарбай, токтотулган жерден кетүүгө аракет кылган. Бирок ыкчам аракеттердин натыйжасында унаа кармалып, айдоочу камакка алынды.
«Текшерүү учурунда айдоочуда айдоочулук күбөлө жана унааны башкаруу үчүн зарыл болгон документтер жок экени белгилүү болду. Мындан тышкары, анын 68 700 сомдук төлөнбөгөн айыппулдары бар», - деп айтылат билдирүүдө.
Мыйзамга ылайык, кызматкерлердин талаптарына баш ийбегендиги жана зарыл документтердин жоктугу үчүн айдоочуга 7500 сомдук айып пул салынды. Унаа айып токтотуучу жайга жайгаштырылды.
