Окуя 18-ноябрда таңкы саат он бирлер чамасында Чүй проспектиси менен Павлов көчөсүнүн кесилишинде болуп, патрулдук милиция кызматкерлери «КИА К7» маркасындагы унааны токтотушкан. Текшерүү учурунда укук коргоо органдары айдоочунун наркотик колдонгонун шектенип, аны наркологиялык мекемеге медициналык экспертиза өткөрүү үчүн алып барышкан. Тесттин жыйынтыктары анын организминде наркотиктердин бар экенин тастыктады.
Мындан тышкары, унаадан гашиш табылган. Заттын келип чыгышы тууралуу суроого кармалган адам «мен аны таптым, кийинчерээк чегиш үчүн унаага салдым» деп жооп берди.
Окуя болгон жерге Октябрь районунун УВДсынан тергөө-оперативдик топ чакыртылган, ал эркекти милицияга алып барган. Жусуповдун маалыматына караганда, кармалган адам таксист болуп иштейт.
