Ленин районунун Ички иштер башкармалыгынын маалымат кызматы берген маалыматка ылайык, инцидент 25-октябрда, саат 02:00 чамасында Өмүр жана Долон-Бий көчөлөрүнүн кесилишинде болгон. Таалайбековдун BMW унаасына Toyota Will унаасы артынан кагылган учурда, айдоочулар арасында чыр чыгып, Toyota унаасындагы төрт эркек Таалайбековго кол салып кеткен.
Ленин районунун Ички иштер башкармалыгы тарабынан жүргүзүлгөн медициналык экспертиза конфликттин бардык катышуучулары алкоголдук мас абалда экенин тастыктады.
Окуя боюнча Кыргыз Республикасынын Кылмыш кодексинин 280-беренеси (Хулигандык) боюнча кылмыш иши козголуп, зарыл экспертизалар дайындалды. Кол салууга шектелгендер: Ж.А. (1997 ж.т.), С.А. (1997 ж.т.), Э.А. (1997 ж.т.) жана С.Э. (1997 ж.т.) учурда убактылуу кармоо жайында турушат.
Мирлан Таалайбеков 2025-жылдын 25-июлунан бери Бишкек шаарынын мэриясынын Муниципалдык инспекциясынын начальниги болуп иштеп келе жатканын белгилеп кетүү керек. Ал мурда Бишкек шаарынын УПСМ пресс-кызматында инспектор болуп иштеген.
