18-январда Ала-Арча дарыясында музга айланган жерде эркек киши табылган. Окуянын күбөлөрү ага суудан чыгууга жардам берип, биринчи медициналык жардам көрсөтүшүп, тез жардам жана милиция чакырышкан. Жапа чеккен адамдын айтымында, аны дарыяга ыргытышкан.
10:56да 102 номерине болгон окуя тууралуу маалымат келип түшкөн. Жүргүзүлгөн тергөө ишинин натыйжасында эркек кишинин жеке башын аныктоо мүмкүн болду — ал 1969-жылы туулган И.К.
РУВДнын маалыматына ылайык, ал алкоголдук мас абалда болгон.
Учурда окуянын бардык жагдайлары такталууда.
