Кыргызстандын Өзгөчө кырдаалдар министрлигинин маалымат кызматынан алынган маалыматка ылайык, акыркы суткада өлкө боюнча 7 өрт кырсыгы катталды.
Атап айтканда, борбордо жана Чүй, Ош, Баткен жана Нарын облустарында бирден өрт чыкса, Ысык-Көл облусунда үч өрт кырсыгы болду.
Отту өчүрүү үчүн 8 өрт өчүрүү бригадасы тартылды.
Ысык-Көл облусунун Түп районунда оттун кесепетинен 260 чарчы метр аянттагы турак үйдүн чатыры жана жеке буюмдар жок болду.
Кудайга шүгүр, жабыркагандар жок, учурда өрттүн чыгуу себептери аныкталууда.
