Жакында массалык маалымат каражаттарында Бруклин федералдык соту (Нью-Йорк) Кыргызстандык жаран Сергей Жарновниковду АКШдан куралды мыйзамсыз экспорттоо максатында келишимге катышкандыгы үчүн үч жыл үч айга эркинен ажыратуу жазасына тарткандыгы тууралуу маалымат пайда болду, деп билдирди АКШнын Юстиция министрлиги.
Бул жагдайга байланыштуу Кыргыз Республикасынын Тышкы иштер министрлиги расмий билдирүү жасап, 2025-жылы аталган жарандын Америка Кошмо Штаттарынын укук коргоо органдары тарабынан кармалганын тактады.
Соттук териштирүү аяктаган соң, 2026-жылдын 22-январында ага эркинен ажыратуу жазасы менен айыптоо өкүмү чыгарылды.
Аны кармалган учурдан тартып, Кыргызстандын консулдук мекемелери АКШда тез арада байланышка чыгып, керектүү консулдук жардам көрсөтүштү. Жаран менен туруктуу байланыш камсыздалды, ошондой эле анын укуктарын жана мыйзамдуу кызыкчылыктарын эл аралык укуктун нормаларына жана ал турган өлкөнүн мыйзамдарына ылайык коргоо боюнча консультациялар берилди.
Тышкы иштер министрлиги Кыргызстандын жарандарын кармоо маселелери боюнча консулдук ыйгарым укуктарынын алкагында активдүү иш алып барууну улантууда.
