Маалыматка ылайык, «102» кызматына Фучик көчөсүндө эркектин өтүп бара жаткан адамдардын көз алдында эжесине сокку уруп жатканы тууралуу сигнал келип түшкөн. Заявитель ошондой эле бул адамдын укук коргоо органдарынын кызматкери экенин билдирген.
Окуя болгон жерге дароо милиция кызматкерлери келишти. Текшерүү учурунда 21 жаштагы Г.Д. жана 37 жаштагы К.Б. тергөө кызматына жеткирилди.
Окуя тууралуу маалымат Ленин районунун Ички иштер башкармалыгынын автоматташтырылган маалыматтык системасына катталды, андан кийин тергөө текшерүүсү башталды.
Зардап тарткан кыз 12-февралда болжол менен 19:30да өзүнүн агасы менен ортосунда конфликт болгонун, анын натыйжасында денесине жаракат алганын айтты. Ал тиешелүү чараларды көрүүнү өтүндү. Бул учурда кыз соттук-медициналык экспертизадан баш тартты.
Текшерүүнүн натыйжасында иштин материалдары коомдук коопсуздук кызматына өткөрүлдү. К.Б. боюнча Кыргыз Республикасынын укук бузуулар кодексинин 70-беренеси (үй-бүлөлүк зомбулук) боюнча протокол түзүлдү. Эркек убактылуу кармоо камерасына жайгаштырылды.
Бишкек шаарындагы Ленин райондук сотунун чечимине ылайык, эркек үч күнгө Бишкек ШИИБнин атайын кабыл алуу жайына жөнөтүлдү. Мындан тышкары, коргоо ордери берилди.
Ички иштер башкармалыгы ошондой эле К.Б. милиция кызматкери эмес экенин белгиледи.
