Бүгүн Бишкекте күчтүү шамал болуп, шаардагы бир нече аймактарда чатырлардын бузулушуна жана дарактардын кулашына алып келди. Бул тууралуу Өзгөчө кырдаалдар министрлигинин басма сөз кызматы «Кабар» агенттигине маалымдады.
Атап айтканда, Ленин районундагы Московская көчөсүндө көп кабаттуу имараттан чатыр жулунуп, жаны имараттын үстүнө кулады.
Бакаев көчөсүндө да көп кабаттуу үйдүн чатырлары жана бир нече барак бузулду, ал эми бир дарак жолго кулады.
Мындан тышкары, шамал Октябрь районундагы Кок-Жайык көчөсүндөгү турак үйдүн чатырын бузуп, Кок-Жар айылындагы Куйукова көчөсүндө да чатырды бузган. Мадиев көчөсүндө дарак электр зымдарына кулап, коопсуздукка коркунуч туудурду.
Малдыбаев көчөсүндө көп кабаттуу имараттын сырткы капталы кулап, натыйжада эки унаа бузулду.
Бүгүн 06:15те Кыргызгидромет шамалдын Бишкек жана Чүй облусунда 15-20 метр секундга чейин күчөшү мүмкүн экендиги тууралуу штормдук эскертүү чыгарды.
