Ош шаарынын УВДсинин сүрөтү
Алдын ала маалыматтар боюнча, окуя 19-мартта таңкы саат 5:50 чамасында А. Мамыров көчөсүнүн аймагында, «Асан-Үсон» дүкөнүнүн жанында болгон. Айдоочу унаасын башкарууда ката кетирип, жумуш ордунда турган аялды уруп кеткен.
Каза болгон аял Батма Мадмарова, 1959-жылы туулган, Араван районунун тургуну. Ал 2025-жылдын сентябрынан бери «Тазалыкта» иштеп келген.
Учурда окуянын фактысы электрондук журналга катталды жана тергөө иштери башталды, анын алкагында соттук-медициналык экспертиза дайындалды.
1998-жылы туулган айдоочу кармалды. Ал унаасы тайгак жолдо тайгаланып кеткенин, натыйжада четке чыгып кеткенин билдирүүдө.
Шектүү убактылуу кармоо жайына киргизилди.
