Turmush — Бул маалымат вице-мэр Кубанычбек Иманалиевдин билдирүүсү менен белгилүү болду.
Анын маалыматына ылайык, резервуарды түзүү үчүн 17 сотка жер бөлүнгөн жана иштер башталды.
«Бул жылы шаардык инфраструктураны жакшыртуу үчүн стабилизациялык фонддон 350 миллион сом бөлүндү. Бул каражаттар менен дарактарды жана гүлдөрдү сугаруу системасын түзүү жана сууну агызуу долбоорун ишке ашырууну пландап жатабыз», — деди ал.
Суу Кемпир-Абад каналынан насостордун жардамы менен келет. Курулуш Кемпир-Абаддын жана Көк-Арт дарыясынын суулары куюлган жерде жүргүзүлүүдө. Насос станциясы үчүн 2 сотка жер шаардык менчикке өткөрүлдү.
Андан кийин суу түтүктөр аркылуу бөлүштүрүлөт, Ынтымак көпүрөсүнүн жанында, тоок фабрикасынан бараткан жолдо, 2000 кубометр сыйымдалыгы бар резервуар куруу үчүн жалпы аянты 17 сотка болгон беш жер тилкесин сатып алабыз. Алгачкы иштер башталды, жер тилкесинин ээлери макул, жана жакын арада алардын баасы көз карандысыз эксперттер тарабынан бааланат.
Ошентсе да, учурдагы жылы бюджетте бул максат үчүн каражат каралган эмес, төлөм 2026-жылдын бюджетинен жүргүзүлөт. Долбоордун толук аякташы жазга пландалууда», — деп тактады К.Иманалиев.
Объектилер
Спутник
⛶
