Бишкекте муниципалдык ишканасы «Бишкекасфальтсервис» тарабынан жаан суу кабыл алуучу решеткаларды калыбына келтирүү иштери улантылууда. Бул тууралуу шаардык мэрияда маалымдалды.
Металл решеткаларды орнотуу иштери төмөнкү даректерде жүргүзүлүүдө:
* Минбулак көчөсү, 17;
* Щербаков көчөсү, 158;
* Орозбеков жана Васильев көчөлөрүнүн кесилишинде;
* Боконбаев жана Коенкозов көчөлөрүнүн кесилишинде;
* Джаманбаев жана Кудайбергенов көчөлөрүнүн кесилишинде;
* Джунусалиев жана Гагарин көчөлөрүнүн кесилишинде;
* Алтымышев жана Кызыл көчөлөрүнүн кесилишинде жана башка.
Шаарда кээ бир решеткалар бир нече жолу уурдалып кетти, бул кошумча чыгымдарды жаратып, жол кыймылына коркунуч туудурду.
Жергиликтүү тургундар муниципалдык менчикке кам көрүүгө жана шаарга зыян келтире турган аракеттерден качууга чакырылууда. ```
