ЦИКтин маалыматына ылайык, үч талапкерге административдик айыппулдар дайындалды. Бул талапкерлер: көпмандаттуу округ № 12ден Нуркан Койчуманова, округ № 24төн Жумабек Салымбеков жана Казыбек Эргешов.
Айрыкча, Койчуманованын Facebook баракчасында үгүт жүргүзүү эрежелерин бузган маалымат жайгаштырылган. Салымбеков болсо WhatsAppта спорттук комплекстердин биринде илинген үгүт баннерин жарыялаган. Маалыматка ылайык, Эргешовдун ишенимдүү адамдары WhatsApp группасында Бишкек мэриясы талапкердин демилгеси менен балдар аянтчасын реконструкциялоо жана жарыктандыруу иштерин жүргүзгөнү, ошондой эле канализация түтүктөрүн орноткону тууралуу маалымат таратышкан. Ал мыйзам бузуу тууралуу билбегенин айтып, андан кийин билдирүүнү группадан өчүргөн.
Ар бир мыйзам бузууга айыпталган талапкерге 7,5 миң сом өлчөмүндө айыппул дайындалды.
