13-ноябрда Кыргыз Республикасынын Борбордук шайлоо комиссиясы шайлоо алдындагы агитация жана шайлоочуларды маалымдоо нормаларынын бузулушу менен байланышкан окуяны талкуулады.
Агитация жана шайлоо процессине катышуучуларды маалымдоо маселелери менен алектенген жумушчу топ тарабынан социалдык тармактарды мониторингдөө учурунда, көпмандаттуу округ № 22ден Жогорку Кенешке депутаттыкка талапкер Болот Ибрагимовдун нормаларды бузганы аныкталды, бул анын Threads социалдык тармагындагы баракчасында жайгаштырылган фото жана видео материалдар менен далилденди.
Жумушчу топ ОсОО «Аирсен» компаниясын өкүлү Шаршенова Рима Мэлисбековнага жоопкерчилик жүктөп, ага 75 эсептик көрсөткүч өлчөмүндө административдик айып пул салууну сунуштады.
Жумушчу топтун сунуштарынын негизинде, БШК административдик укук бузуулар жөнүндө протокол түзүп, Шаршенова Рима Мэлисбековнага 75 эсептик көрсөткүч өлчөмүндө айып пул салуу чечимин кабыл алды.
