Табрис Оторов атындагы мектептин директору Мирбек Чырмиевдин маалыматына ылайык, Ак-Талаа районунун жол коопсуздугу боюнча инспектору Мирлан Мамытов, билим берүү мекемесинин администрациясы жана жаш милиция жардамчылары менен биргеликте «Жол кыймылынын эрежелерин сакта, айдоочу!» аттуу акцияны уюштурган.
Бул иш-чаранын негизги максаты жолдогу коопсуз жүрүм-турум маданиятын калыптандыруу, жол кыймылынын эрежелери боюнча маалымдуулукту жогорулатуу жана жол кырсыктарынын алдын алуу болуп саналат.
Иш-чаранын алкагында М.Мамытов окуучуларды жол белгилери менен тааныштырды жана бул белгилер боюнча билим сынагын өткөрдү. Жеңүүчүлөргө сыйлыктар тапшырылды.
