Аба ырайындагы кескин өзгөрүүлөрдүн кесепетинен, Жол кыймылынын коопсуздугун камсыздоо башкы башкармалыгы (ЖККБ) күчөтүлгөн иш режимин ишке киргизди. Бул унаа айдоочулары үчүн коопсуз жана ыңгайлуу шарттарды түзүү, ошондой эле жолдордо тыгындар жана аварияларды алдын алуу максатында жасалууда.
Республика аймагында ЖККБнын кызматкерлери жолдордо көзөмөл жүргүзүп, транспорт агымдарын жөнгө салып, айдоочулар менен түшүндүрүү иштерин жүргүзүшөт. Ошондой эле унаалардын техникалык абалын текшерүү жүргүзүлүп, жол кыймылынын коопсуздугун арттыруу үчүн зарыл чаралар көрүлөт.
Бишкек–Нарын–Торугарт жана Бишкек–Ош маршруттарына өзгөчө көңүл бурулат. Тоо ашууларында башка кызматтар менен биргеликте транспорттун коопсуз жана үзгүлтүксүз кыймылын камсыздоо үчүн сутка бою мониторинг жүргүзүлөт.
ЖККБ айдоочуларга аба ырайындагы өзгөрүүлөрдү байкап, жол кыймылынын эрежелерин жана ылдамдык чектөөлөрүн так сактоону, ошондой эле унааларынын техникалык абалына көңүл бурууну катуу сунуштайт.
