Иш-чарага Ош облусундагы президенттин ыйгарым укуктуу өкүлү Эльчибек Джантаев, Ош облустук ички иштер башкармалыгынын начальниги Нурланбек Бурканов жана күч структураларынын жетекчилиги менен жеке курамы катышты.
Аймактын жетекчиси катышуучуларга коомдук тартипти сактоо менен байланышкан милдеттерди аткаруунун маанилүүлүгүн, ошондой эле мүмкүн болгон провокацияларга ыкчам жооп берүү зарылдыгын эскертти. Ал күч кызматкерлерине келечектеги ишмердүүлүгүндө ийгилик каалады.
Ош облусунда 510 шайлоо участогу ачылган, ал эми шайлоо учурунда коопсуздукту камсыздоо үчүн 1000ден ашык укук коргоо органдарынын кызматкерлери тартылат.
