Аппараттык жыйындын жүрүшүндө өкмөт башчы Адылбек Касымалиев жаңы кызматтын мүмкүнчүлүктөрү менен бөлүштү.
«Саламаттыкка укук» кызматы жарандарга акысыз медициналык кызматтар тууралуу ыңгайлуу форматта маалымат берет. Бул жаңы инструмент «Өкмөттүк акселераторлор» программасынын алкагында иштелип чыккан жана жыйындын төрагасы Адылбек Касымалиев тарабынан сунушталган.
Платформа милдеттүү медициналык камсыздандыруу боюнча камсыздандырылган адамдарга багытталган жана мамлекеттик финансирленген медициналык укуктар жана кызматтар тууралуу тез арада персоналдаштырылган маалымат алууга мүмкүндүк берет. Маалыматка жетүү «Түндүк» мобилдик тиркемеси аркылуу жүргүзүлөт.
«Саламаттыкка укук» кызматынын ишке кириши менен беш миллионго жакын жаран бир мүнөт ичинде кандай медициналык кызматтарды ала аларын биле алышат, бул үчүн татаал нормативдик актыларды үйрөнүүгө же кошумча түшүндүрмөлөрдү сурап кайрылууга муктаждык жок. Бул жаңы инструмент саламаттык сактоо системасында ачыктыкты жогорулатууга жана калк үчүн медициналык жардамдын жеткиликтүүлүгүн жакшыртууга көмөк көрсөтөт.
Өкмөттүн сүрөтү
