Шаардык администрациядан билдиришкендей, Семетей көчөсүнөн Масалиев көчөсүнө чейин созулган участкеде төрт жер астындагы өтмөктү куруу пландалууда. Учурда мындай өтмөктөрдүн бири Ч.Айтматов проспектиси менен Минжылкыев көчөсүнүн кесилишинде иштеп жатат.
Ошондой эле долбоордун алкагында Ахунбаев көчөсүнөн Семетей көчөсүнө чейин 16 жаңы токтотуучу комплекс орнотулат.
Курулуш иштеринин башталышына байланыштуу Айтматов проспектиндеги Масалиев жана Семетей көчөлөрүнүн ортосундагы участкта автотранспорттун кыймылы убактылуу чектелди.
Шаар башчысы долбоорго тартылган бардык шаардык кызматтар тарабынан жумуштун жогорку сапатын камсыз кылуунун жана белгиленген мөөнөттөргө ылайык иштөөнүн маанилүүлүгүн баса белгиледи.
