Сырткы иштер министри депортация легалдуу жана керектүү документтери менен АКШда болгон адамдарга тиешелүү эместигин тактады. Проблемалар визасыз же документсиз 5-10 жыл бою өлкөдө жашаган адамдарга тиешелүү.
"Бардык Борбордук Азия өлкөлөрү бул миграциялык саясатка кирет, ошондуктан бизге бул багытта биргелешип иштөө керек", - деп кошумчалады ал.
Министр ошондой эле АКШ тарабынан киргизилген виза кепилдиги боюнча Сырткы иштер министрлигинин иши тууралуу айтып берди.
Кулубаевдин айтымында, "эгер адамдын айлыгы $40 миң болсо, ал $15 миң кепилдик берүүгө мүмкүнчүлүгү бар. Бирок биздин айлыктар сейрек $1 миңден ашат. Ошондуктан биз бул маселе боюнча америкалык тарап менен диалогду уланта беребиз", - деп ишендирди ал.
