Текшерүү учурунда Кашкар-Кыштак айылындагы курулуш аянтчасында курулуш материалдарын сактоо жана колдонуу боюнча мыйзам талаптары сакталбаганы аныкталган. Бул боюнча, аталган объектти куруучу ОсОО "Зеромакс" компаниясына жазуу жүзүндө эскертүү берилди жана айып пул дайындалды.
Министрлик мындай рейддердин негизги максаты мыйзамдын сакталышын камсыз кылуу, курулуш тармагында коопсуздукту жана сапатты жогорулатуу, ошондой эле адамдар үчүн потенциалдуу кооптуу кырдаалдардын алдын алуу экенин белгиледи. Мындан тышкары, мындай иш-чаралар мыйзамсыз курулуш менен күрөшүүгө багытталган.
