Текшерүүнүн жүрүшүндө аймактагы ар кандай көп кабаттуу турак жай объектилери жана башка курулуш аянтчалары каралды. Текшерилген курулуштардын бири, Кара-Суу районундагы Кашкар-Кыштак айылындагы 12 кабаттуу үйдө курулуш материалдарын сактоо жана колдонуу эрежелеринин бузулганы аныкталды. Бул бузулуулар үчүн курулушка жооптуу ОсОО «Зеромакс» подряддык уюмуна расмий эскертүү берилди жана айыппул салынды.
Бул иш-чаралардын максаты курулуш тармагында мыйзамдуулукту, коопсуздукту жана сапатты камсыздоо, ошондой эле жарандардын өмүрүнө жана ден соолугун коркунучка салган кырдаалдардын алдын алуу болуп саналат. Министрлик мындай рейддер мыйзамсыз курулуштун алдын алууга да багытталганын баса белгилейт.
