Экотехнадзор кызматынан берилген маалыматка ылайык, иш-чаранын жүрүшүндө балык уулоонун эрежелерин бузган беш эркек киши аныкталды. Натыйжада, мыйзам бузгандар 266-беренеге ылайык (Балык уулоонун эрежелерин бузуу) 5 миң сомго айып пулга тартылды.
Мындан тышкары, Чили-Сай Ноокат районунун аймагында аңчылык нормаларын сактоону көзөмөлдөөгө арналган дагы бир рейд өткөрүлдү. Текшерүүнүн жүрүшүндө төрт унаа текшерилди, бирок мыйзам бузуулар аныкталган жок, аңчыларга эрежелер боюнча түшүндүрмөлөр берилди.
