Экологиялык техникалык көзөмөл кызматы тарабынан берилген маалыматка ылайык, текшерүүлөрдүн жүрүшүндө борборго 0дөн 13 ммге чейинки бөлүкчөлөрдү камтыган майда фракциядагы көмүр келип жаткандыгы аныкталды. Көмүр ОАО «КыргызКомур» тарабынан Кара-Кече көмүр кенинен келип жатат.
Көмүр базаларынын ээлерине жана жооптуу адамдарга сунуштар берилди. Ошондой эле көмүр сатуу менен алектенген жарандар жана ишканалар менен түшүндүрүү сүйлөшүүлөрү өткөрүлдү. Негизги көңүл абанын сапатын жакшыртууга, атмосферага булгануу чыгарын азайтууга жана белгиленген нормаларды сактоого багытталды.
