Компаниянын өкүлдөрү Кара-Кече кенинен алынган көмүр учурда Кыргызстандын түндүк аймактарын камсыздоо үчүн колдонулуп жатканын белгилешти.
Күн сайын ушул кенден болжол менен 500 унаа чыгып, 8ден 12 миң тонна көмүр ташыйт. Бул сезондо рекорд коюлду — күнүнө 12,5 миң тонна.
«Кара-Кечедеги көмүр запастары жетиштүү, ал эми баалар туруктуу. Практика жүзүндө ар бир айыл-окмотто көмүр сактоочу жайлар бар», — деди Рустамбек Садыралиев.
Мындан тышкары, «Кыргызкомур»дун орун басарынын айтымында, өлкөнүн түштүгүндө Сулюкта-11, Беш-Буркан, Заарай, Кожо-Келен, Тегенек жана Арка сыяктуу көмүр кендери да бар. Азыркы учурда үч кенден көмүр чыгарылып, калкка жеткирилүүдө.
