Экотехнадзор кызматынан алынган маалыматка ылайык, күнөөлүүлөр эки субъект болуп чыкты: Манас айыл аймагында жайгашкан «Таза айыл үчүн» муниципалдык ишканасы жана «Кыргызское» акционердик коомунун канаттуулар фабрикасы.
Таштандыны мыйзамсыз чыгаруу, сактоо жана күйгүзүү боюнча укук бузуулар кодексинин 115-беренесине ылайык, ишканалар 34 миң сомдук жалпы суммада айып пулга тартылды.
Юстиция министрлигинин булактарынан алынган маалыматка караганда, «Кыргызское» акционердик коомунун негиздөөчүсү жана жетекчиси Молдашева Жанат. Аталган уюм айыл чарба канаттууларын өстүрүү менен алектенет жана 2011-жылдын 11-августунда кайра каттоодон өткөн.
