Биоалуулук бөлүмүнүн оперативдик тобу, аңчылык боюнча адис жана егерлер менен биргеликте Кара-Суй жана Алай райондорунда аңчылык жана балык уулоонун эрежелерин сактоону көзөмөлдөө үчүн рейддерди өткөрдү.
«Рейддин жыйынтыгында балык уулоонун эрежелерин бузган жети жаран аныкталды. Алардын ар бири 266-беренеге ылайык, 1000ден 7000 сомго чейин административдик айып пул алды. Башка балыкчылар менен да белгиленген нормаларды сактоо зарылдыгы боюнча түшүндүрүү иштерин жүргүздүк», - деп айтылат ведомствонун билдирүүсүндө.
