Экотехнадзор кызматынан берилген маалыматка ылайык, текшерүү учурунда мурдагы текшерүүнүн жыйынтыгы боюнча берилген буйрук аткарылбаганы аныкталды. Атап айтканда, Жийде айылындагы Жаңы Жер участогунун Кара-Дарыя дарыясынын жээгинде мыйзамсыз таштандыдан тазалоо үчүн зарыл болгон иштер жүргүзүлгөн эмес.
Бул боюнча, айылдык аймактын жетекчилиги 434-берененин 1-бөлүмүнө ылайык, мыйзамдуу чечимдерди жана ыйгарым укуктуу органдын буйруктарын аткарбагандыгы үчүн 13 миң сомго айып пулга тартылды.
Муну менен бирге, текшерүү учурунда жергиликтүү башкармалыктын кызматкерлери таштандыны тазалоо иштерин жүргүзүшүп, аймак тазаланды.
