Маалыматка ылайык, социалдык тармактарда Сузак районундагы агитаторлордун жол кыймылынын эрежелерин бузганын көрсөткөн видео пайда болду. Жазууда айдоочу жол талаптарын эске албай жаткандыгы көрүнүп турат.
Бул боюнча Жалал-Абад облусунун жол коопсуздугун камсыздоо бөлүмүнүн кызматкерлери ыкчам жооп берип, эрежелерди бузган айдоочунун жеке өздүгүн аныкташты. Ага укук бузуулар кодексинин 188-беренесинин 1-бөлүгүнө ылайык 1000 сом өлчөмүндө айып пул салынды.
Мындан тышкары, айдоочуга жол кыймылынын эрежелерин сактоонун зарылдыгы боюнча түшүндүрүү иштерин жүргүзүшүп, мыйзамдын талаптарын аткаруунун маанилүүлүгү тууралуу эскертүү беришти.
