Кыргызстандагы социалдык тармактарда 50 сомдук купюраны жырткан жаш жигиттин видеосу пайда болду. Ал жыртылган акча менен дүкөндөн бир нерсе сатып алууга болобу деген суроону тактоо үчүн жыртып жатат. Кийинки кадрларда ал ошол акчага ичимдик сатып ала алганын билдирет. Бул видео коомчулукта кеңири резонанс жаратты.
Экстремизмге каршы күрөшүү жана мыйзамсыз миграция боюнча кызматтар, ошондой эле Ленин райондук ички иштер бөлүмү жаш жигиттин ким экенин аныкташты. Ал 2002-жылы туулган С.А. болуп чыкты. Текшерүү учурунда ал өлкөгө мыйзамсыз киргендиги белгилүү болду.
Чет элдикти Кыргызстандан чыгаруу коркунучу бар.
Милиция мамлекеттик символдорду кордоо же миграция нормаларын бузуу аракеттери өлкөнүн мыйзамдарына ылайык юридикалык жоопкерчиликке алып келиши мүмкүн экенин эскертет.
