Эки борбордун тургуну велосипеддердин уурдалышы боюнча укук коргоо органдарына арыз беришти. Алардын бири 14-октябрда саат 21:47де Рыскулов көчөсүндөгү дүкөндүн жанында токтоп турган велосипединин уурдалганын билдирди. Экинчи жабырлануучу 21-октябрда саат 15:30 чамасында Дэн Сяопин проспектинде анын велосипеди жоголгонун айтты.
Көзөмөл камераларындагы видеолордо жаш жигит велосипедди айланып, кырдаалды баалап, андан кийин анын үстүнө отуруп кеткенин көрүүгө болот.
Бул фактылар боюнча Кыргыз Республикасынын Кылмыш кодексинин 205-беренеси («Уурдоо») боюнча кылмыш иши козголду.
6-ноябрдан 15-ноябрга чейин өтүп жаткан «Ууру!» рейдинин алкагында 1976-жылы туулган К.А. деген шектүү кармалды. Учурда ал чыгып кетпөө тууралуу кол коюп турат.
Тергөө иштери уланууда.
