Бишкек шаарындагы Ленин районунун Ички иштер башкармалыгынын фото
Полициянын маалыматына ылайык, милицияга У.Н. аттуу жаран кайрылган. Ал 28-октябрда саат 11:00 чамасында «Ак-Ордо» жашоо массивинде жайгашкан үйүнөн белгисиз адам 110 миң сомду уурдап кеткенин жана кылмыш болгон жерден качып кеткенин билдирген.
Бул факт боюнча Кыргыз Республикасынын Кылмыш кодексинин 205-беренеси «Уурулук» боюнча кылмыш иши козголгон. Оперативдүү-издөө иш-чараларынын натыйжасында укук коргоо органдары шектүүнү, 1981-жылы туулган А.Т. аттуу кишини аныктап, кармашкан. Ал тергөө кызматына ары карай териштирүү үчүн жеткирилген.
Сот кармалган адамга электрондук байкоо чарасын колдонуу боюнча чечим кабыл алды. Иштин териштирилиши уланууда.
