ЦИКтин маалыматына ылайык, Жогорку Кеңештин депутаттыгына талапкер болгон үч адамга айыппул салынды: 22-округдан Эмильбек Абдыкадыров, 12-округдан Нуркан Койчуманова жана 10-округдан Жыргалбек Саматов үгүт эрежелерин бузганы үчүн.
Мындан тышкары, 6-округдан талапкер Бекболот Арзибаев, ошол округдагы атаандашы Алтынбек Кудайбердиевдин ар-намысына шек келтирген маалыматтарды камтыган жарыялары үчүн айыппул алды.
Алгачкы үч талапкерге 75 миң сом өлчөмүндө айыппул салынса, атаандашын кемсинткен талапкер 125 миң сом айыппулга жыгылды.
