Ведомствонун маалыматына ылайык, коомдук коопсуздукту камсыздоо жана огнестрелдик курал менен мыйзамсыз аракеттерди алдын алуу, ошондой эле үй-бүлөлүк зомбулукка каршы күрөшүү максатында рейддер өткөрүлгөн.
Араван районунда өткөрүлгөн «Арсенал» аттуу рейд мыйзамсыз куралды аныктоого, анын сактоо эрежелеринин сакталуусун текшерүүгө, ошондой эле үй-бүлөлүк зомбулук фактыларына көңүл бурду. Рейддин жыйынтыгында 1 даана нарезное курал жана 3 травматикалык пистолет убактылуу алынып, РОВДга сактоого өткөрүлдү. Жарандардын бири, түшүндүрүү иштеринен кийин, өз куралын ыктыярдуу тапшырды. Эреже бузган 8 жаранга айыппул салынды.
Алай районунда, социалдык тармактарда пистолет колдонуу менен коркутуу жана зомбулук фактылары тууралуу маалымат тарагандан кийин, 3 адам ыктыярдуу түрдө милицияга 3 травматикалык пистолетти жок кылуу үчүн тапшырды. Мындан тышкары, каттоодон өткөн куралдары бар 3 жарандан травматикалык пистолеттер убактылуу алынып, сактоо эрежелерин бузгандыгы үчүн РОВДга өткөрүлдү.
Ош облусунун Ички иштер башкармалыгы, огнестрелдик курал менен байланышкан инциденттерди жана кылмыштарды алдын алуу максатында, калк арасында түшүндүрүү иштеринин үзгүлтүксүз жүрүп жатканын маалымдайт. Мыйзамсыз курал тапшырган жарандар мыйзам боюнча жоопкерчиликтен бошотулат.
