Аймактык Ички иштер башкармалыгынын маалыматы боюнча, 20-ноябрда Кара-Суй райондук Ички иштер бөлүмү «Үй-бүлөдөгү зомбулук — келечекке сокку» аттуу акцияны өткөрдү. Иш-чарага жергиликтүү тургундар, район имамы, мамлекеттик структуралардын өкүлдөрү жана активисттер катышты. Жолугушууда зомбулуктун себептери, анын коомго жана үй-бүлөгө таасири талкууланды, ошондой эле атайын даярдалган кыска видеоролик көрсөтүлдү. Иш-чара тынч жүрүш менен аяктады.
19-ноябрда Кара-Кульджа райондук Ички иштер бөлүмү Кене айылындагы Ж.Акматалиев атындагы мектептин окуучулары жана мугалимдери үчүн «Зомбулуксуз үй-бүлө» темасында жолугушуу өткөрдү. Катышуучуларга үй-бүлөдөгү зомбулуктун кесепеттери тууралуу маалымат берилди жана укуктук сабаттуулукту жогорулатуу үчүн викторина өткөрүлдү.
Ушундай иш-чаралар облусунун бардык райондорунда улантылат.
