Текшерүү учурунда "Аалам Строй" ЖЧКсына таандык, Анкара көчөсү, 3а дарегиндеги турак жай комплексинде курулуш нормалары жана коопсуздук эрежелери боюнча бузулуулар аныкталды. Проблемалар имараттын ондон ашык блокунда табылган.
Ошондой эле, компания курулуш этаптарын көзөмөлдөө үчүн жеке лабораторияларды колдонгондугу белгилүү болду. Мындан тышкары, кээ бир блоктор үлүш ээлерине мыйзамсыз берилген.
Текшерүүнүн жыйынтыгында "Аалам Строй" ЖЧКсына протоколдор түзүлүп, ар бир бузуу үчүн компанияга айып пулдар салынды. Жалпы айып пулдардын суммасы 3 миллион сомду түздү.
Министрлик объекттеги курулуш иштерин токтотуу чечимин кабыл алды. Компаниянын лицензиясы боюнча маселе жакынкы комиссия жыйынында талкууланат.
Мындан тышкары, министр курулуштун сапатын текшерүү үчүн Республикадагы курулуш сертификаттоо борборунун лабораториясын тартууну тапшырды, анын жыйынтыгы боюнча кошумча чаралар көрүлөт.
Инспекциянын жыйынтыгы боюнча Нурдан Орунтаев министрликке караштуу мекемелердин жооптуу кызматкерлерине катуу чаралар колдонуларын белгиледи.
