Текшерүү көрсөткөндөй, ОсОО «ЧиЛинг Строй» Чырпыкты айылындагы ОсОО «Лонг Хай» менчигиндеги карьердин аймагында бетон аралаштыргыч узелди мыйзамсыз орнотуп алган. Бул аракеттердин натыйжасында ОсОО «ЧиЛинг Строй» боюнча административдик иш козголуп, компанияга 200 миң сом айып пул салынды.
Мындан тышкары, учурда мыйзамга ылайык, ОсОО «ЧиЛинг Строй» Ысык-Көл облусунда бетон аралашмасын башка уюмдарга сатууга аракет кылган фактысы боюнча текшерүү өткөрүү үчүн документтер жыйналууда.
Курулуш министрлиги компанияларга курулуш иштерин мыйзамдын чегинде жүргүзүүнү катуу сунуштайт. Ведомство ошондой эле курулуш процессинде техникалык коопсуздук жана техникалык нормаларды сактоонун маанилүүлүгүн эскертет.
