Элебаева көчөсүндөгү 48-үйдүн тургундары курулуштун алардын жашоочу жайларына өтө жакын жүрүп жатканына байланыштуу тынчсызданууларын билдиришти. Алар курулуш аймагынан өздөрүнүн короолоруна таштар жана таштанды түшүп жатканын билдиришти.
Шаардык мамлекеттик архитектуралык курулуш контролунун башкармалыгы жүргүзүлгөн иштер айланасындагы аймак үчүн кооптуу шарттарды жаратып жатканын жана техникалык жана курулуш коопсуздугу нормаларынын сакталбаганын тастыктады.
«Текшерүүнүн жыйынтыгы боюнча ОсОО «Курулуш» компаниясына карата акт түзүлдү, ага 200 миң сом өлчөмүндө айыппул салынды. Ошондой эле, бузууларды жоюу үчүн 10 күн берилди. Кемчиликтерди жоюу учурунда курулуш убактылуу токтотулду. Компаниянын лицензиясын токтотуу маселеси атайын комиссиянын кийинки жыйынында каралат», — деп айтылат расмий билдирүүдө.
