Отчеттун маалыматына ылайык, мэрия көзөмөлдөгү мекемелердин кызматкерлерине материалдык жардам катары 112 миллион 898 миң сом кошумча суммаларды төлөп берген, бул Кыргыз Республикасынын президентинин «Мамлекеттик жарандык кызматкерлердин жана КР муниципалдык кызматкерлеринин эмгек акысы боюнча шарттар» жөнүндөгү 2022-жылдын 1-августундагы № 266 жарлыгын жана КР Министрлер кабинетинин «Мамлекеттик органдардын жана жергиликтүү өз алдынча башкаруу органдарынын кызматкерлеринин эмгек акысы боюнча шарттар» жөнүндөгү 2022-жылдын 1-августундагы № 433 токтомун бузуу болуп саналат.
Мекемелер боюнча төлөмдөрдүн бөлүштүрүлүшү төмөндөгүдөй:
- Бишкек шаардык кеңеши — 9 миллион 220,4 миң сом;
- Бишкек мэриясы — 23 миллион 77,2 миң сом;
- муниципалдык мүлктү башкаруу департаменти — 17 миллион 613,3 миң сом;
- Октябрь районунун администрациясы — 8 миллион 717,1 миң сом;
- Ленин районунун администрациясы — 8 миллион 705,8 миң сом;
- Бишкек финансылык башкармалыгы — 3 миллион 188,5 миң сом;
- шаардык саламаттыкты сактоо башкармалыгы — 2 миллион 36,1 миң сом;
- билим берүү департаменти — 5 миллион 376,1 миң сом;
- физикалык тарбия, спорт, туризм жана жаштар менен иштөө департаменти — 3 миллион 240,5 миң сом;
- жеке турак жай курулушу жана шаар куруу департаменти — 4 миллион 357,6 миң сом;
- муниципалдык инспекция — 2 миллион 832,3 миң сом;
- транспорт жана жол-транспорт инфраструктурасын өнүктүрүү департаменти — 7 миллион 781,5 миң сом;
- социалдык өнүктүрүү департаменти — 1 миллион 969,8 миң сом;
- Первомай финансылык башкармалыгы — 5 миллион 821,3 миң сом;
- Октябрь финансылык башкармалыгы — 943,9 миң сом;
- капиталдык курулуш департаменти — 8 миллион 17 миң сом.
