Аталган мезгилде компаниянын таза кирешеси 36 миллиард 900 миллион сомду түзүп, пландаштырылган 13 миллиард 373 миллион сомдон кыйла ашып кеткен.
Ошондой эле, ушул эле мезгилде бюджетке түшкөн салык жана милдеттүү төлөмдөр 16 миллиард 272 миллион сомго жетип, пландаштырылган 14 миллиард 43 миллион сомдон жогору болгон.
2024-жылдын жыйынтыгы боюнча компания 12 миллиард 900 миллион сом дивиденд төлөшү керек болчу, бирок чындыгында бул сумма 13 миллиард 49 миллион сомду түзүп, баштапкы болжолдордон ашып кеткен.
Президенттин маалыматтык саясат кызматын жетектеген Дайырбек Орунбеков, «Кумтордун» ишмердүүлүгүнүн натыйжасында бюджетке түшкөн каражаттар жолдорду оңдоого, социалдык объектилерди курууга жана акыркы отуз жыл ичинде жыйналган көйгөйлөрдү чечүүгө пайдаланыларын баса белгиледи.
